Жаңалықтар

Кәсіби мереке – Теміржолшылар күні қарсаңында Шымкент қаласында ТОО «КТЖ-Жүк тасымалы», ТОО «DAR RAIL» және ТОО «ТТТ Сервис» қызметкерлері арасында кәсіби шеберлік байқауы өтті. Байқау «Үздік маман» номинациясы бойынша «Үздік локомотив машинисі» және «Үздік локомотив машинисінің көмекшісі» атақтарын сарапқа салуға арналды.

Биылғы байқау теміржол саласында күн сайын жүк тасымалының сенімділігі мен қозғалыс қауіпсіздігін қамтамасыз етіп жүрген мамандардың кәсіби білімі мен практикалық шеберлігін, тәжірибесі мен жауапкершілігін тағы бір мәрте көрсетуге мүмкіндік берген маңызды кәсіби алаңға айналды.

Байқауға үш компаниядан 18 маман – әр компаниядан 3 машинист және 3 машинис көмекшісі қатысты. Қатысушылар кәсіби тәжірибесін таныстырып, интеллектуалдық сайыстарда бақ сынады, сондай-ақ электровоз ВЛ80-де теориялық білімдері мен практикалық дағдыларын көрсетті.
Ал биыл да басты жеңіс тұғыры «ТТТ Сервис» командасының өкілдеріне бұйырды!

???? «Үздік локомотив машинисі» атағын Юлдашев Камилжан Эльмуратович, «ТТТ Сервис» Шымкент депосының электровоз машинисі иеленді. Ол байқау қорытындысы бойынша 47 балл жинап, 1-орынға ие болды.

???? «Үздік локомотив машинисінің көмекшісі» атағына Ускенбаев Никита Максимұлы, «ТТТ Сервис» Шымкент депосының электровоз машинисінің көмекшісі лайық деп танылды. Никита 52 балл жинап, 1-орынға ие болды.
Бұл жеңіс – компаниямыз үшін ерекше мақтаныш. Ол «ТТТ Сервис» командасының кәсіби біліктілігі, жауапкершілігі, еңбекке деген адалдығы мен қауіпсіздік мәдениетінің жоғары деңгейін тағы бір мәрте дәлелдеді.

Шымкент өңірінің өкілдері мықты мамандар бас қосқан кәсіби бәсекеде үздік нәтижеге қол жеткізіп, өздерінің шеберлігін тағы да танытты. Бұл – жеңімпаздардың жеке кәсіби шеберлігінің ғана емес, локомотив бригадаларының біліктілігін жүйелі түрде арттыруға, кәсіби тәжірибені дамытуға және қозғалыс қауіпсіздігі мәдениетін нығайтуға бағытталған жұмыстың нәтижесі.

Локомотив машинисі – жай ғана мамандық емес. Бұл – адамдардың қауіпсіздігіне, жүктің сақталуына, техниканың дұрыс пайдаланылуына және қозғалыс қауіпсіздігіне деген үлкен жауапкершілік.

Әрбір рейс маманнан жоғары зейінділікті, терең білімді, жинақылықты, төзімділікті және белгіленген талаптарды мүлтіксіз орындауды талап етеді. Сондықтан мұндай кәсіби байқаулардың маңызы зор. Олар үздіктерді анықтап қана қоймай, бүкіл ұжым үшін кәсіби шеберліктің жоғары стандарттарын қалыптастырады.

Байқау аясында локомотив бригадаларының отбасы мүшелерімен кездесу де ұйымдастырылды. Бұл кездесу мамандардың кәсіби қызметіндегі отбасының маңызды рөлін тағы бір мәрте айқындады. Өйткені әрбір машинист пен машинистің көмекшісінің артында оның еңбегін түсініп, қолдау көрсететін, мамандықтың ерекшелігін бірге қабылдайтын отбасы тұр.

Байқау қорытындысы бойынша жеңімпаздар I дәрежелі дипломдармен, «Үздік маман – локомотив машинисі» және «Үздік маман – локомотив машинисінің көмекшісі» төсбелгілерімен және ақшалай сыйлықтармен марапатталды. Ал байқаудың барлық қатысушыларына кәсіби үлесі мен белсенді қатысқаны үшін естелік сыйлықтар табысталды.
Камилжан Юлдашев пен Никита Ускенбаевты лайықты жеңістерімен шын жүректен құттықтаймыз! 

Сіздерге зор денсаулық, кәсіби биіктер, әрбір сапарда сенімділік, аман-есен рейстер және жаңа жеңістер тілейміз!

«Үздік маман» атағы – сіздердің кәсіби шеберліктеріңіздің лайықты бағасы ғана емес, сонымен қатар бүкіл «ТТТ Сервис» ұжымын одан әрі дамуға, шеберлікті шыңдауға және теміржол саласында көшбасшылық ұстанымдарды сақтауға жігерлендіретін үлкен жетістік!

«ТТТ Сервис» – кәсібилік, жауапкершілік және әрбір бағыттағы қауіпсіздік!